TWA CORBIES
As I were walking all alane
I met twa corbies making a main
And tane unto tither did say-o
Where shall we gang and dine in the day-o
Where shall we gang and dine in the day?
In behind yon auld fell dyke
I wot there lies a new-slain knight
And naebody cares that he lies dead-o
But his hawk and his hound and his lady fair-o
But his hawk and his hound and his lady fair
His hound is tae the huntin’ gane
His hawk tae fetch the wild fowl hame
His lady’s taen anither mate-o
So we maun make our dinner sweet-o
So we maun make our dinner sweet
Ye’ll sit on his white hause bane
And I’ll pike out his bonny blue een
Wi’ many a lock o’ his gowden hair-o
We’ll theek our nest when it grows bare-o
We’ll theek our nest when it grows bare
Mony a one for him makes main
But nane shall ken where he is gane
O’er his white bones when they are bare-o
The wind shall blow forever mair-o
The wind shall blow forever mair
____________________________________________________________
Twa Corbies is a traditional celtic folk song. This recording is ©1997 Fearless Angel Music. Outgrabe and the Outgrabe logo are trademarks of Outgrabe, a privately held entity. Boojum, Boojum Records, Boojum Productions, and the Boojum logo are trademarks of Boojum Records. All other trademarks are the property of their respective owners. All rights reserved.